Subscribe to E-News

Latest TANTEX Events

NNTV 146
Sat, Sep 28th 2019, @11:00am
Rukmini Kalyanam Dance Ballet 2019
Sun, Oct 20th 2019, @4:30pm

Supported Events

Ekal - Riyaaz
Fri, Oct 4th 2019, @8:00pm

Latest Events in Town

Mehta Jewellary 2019
Mon, Sep 23rd 2019, @10:00am

Slide Show of Events

Silver Sponsors

Banner
Banner
Banner
Banner

Our Media Partners

President's Message

తెలుగు భాషా బంధువులకు శ్రీ వికారి నామ సంవత్సరాది శుభాకాంక్షలు!
కార్యవర్గ సభ్యులందరి సంపూర్ణ సహకారంతో, 2019 వ సంవత్సరం లో దశాంశ ప్రణాళిక ” లో గమ్యం గా,   సాంస్కృతిక అవసరాలతో పాటు మారుతున్న మన సభ్యుల అవసరాలకు అనుగుణంగా మన సంస్థ కార్యకలాపాలను రూపుదిద్దుతున్నాము. తెలుగు వారి తొలి పండుగ 'టాంటెక్స్' ఉగాది ఉత్సవాలను  యూలెస్ ట్రినిటీ హైస్కూల్ లో శనివారం, ఏప్రిల్ 13, 2019 మధ్యహ్నం 5 గంటలకు అంగరంగ వైభవంగా జరుప బోతూంది. షడ్రుచుల సమాహారంతో మొదలయ్యే ఈ ఉత్సవాలకు తెలుగు వారందరికీ ఇదే మా ఆత్మీయ ఆహ్వానం.
కార్యక్రమాల నాణ్యత పెంచడం ముఖ్యొద్దేశ్యం గా 'ఉగాది ఉత్సవాలు' కార్యక్రమాన్ని వినూత్నం గా ప్రజారంజకం గా రూపొందించాము. తెలుగింటి పండుగ బంతి భోజనానికి ముందు స్థానిక కళాకారుల కార్యక్రమాలు, తేనీరు, అల్పాహారం, ‘ప్రసూనాస్ కిచెన్ ' వారి కమ్మని భోజనంతో ఒక గంటన్నర 'అచ్చట్లు ముచ్చట్లు' తరువాత, పంచాంగ శ్రవణంప్రముఖ నేపథ్య గాయకుడు 'నరేంద్ర', నేపథ్య గాయని 'సుమంగళి ' , మిమిక్రీ మరియు వెంట్రిలోక్విస్ట్ 'మల్లం రమేష్' మరియు రివెర్సెగేర్ ‘గురుస్వామి' లతో ఈ సంవత్సరం మిమ్మల్ని తన మాటలతో అలరించడానికి, ఉగాది ఉత్సవాలు నిర్వహించడానికి ప్రముఖ వ్యాఖ్యాత 'రఘు వేముల' విచ్చేస్తున్నారు.
ఈ సంవత్సరం కొత్తగా అటు సభ్యులకు, ఇటు సంస్థకు అనుకూలంగా  ఉండేలా సంక్రాంతి సంబరాలకు ఉచిత ప్రవేశం కల్పించడం జరిగింది. మన సంస్థ ఈరోజున వివిధ కార్యక్రమాల ద్వారా  తెలుగు వారికి చేరువ అవుతున్నది అంటే, మనకు ఆర్ధిక సహాయం అందిస్తున్న పోషక దాతల చేయూత మరువరానిది. ఈ సంవత్సరం సంస్థ అవసరాలను దృష్టిలో పెట్టుకుని కొత్తగా స్పాన్సర్ ' ను పరిచయం చేసాము. ఎంతో పెద్దమనసుతో ఆర్ధిక సహాయం అందిస్తున్న పోషక దాతల వదాన్యతకు కృతఙ్ఞతలు.
'ఉగాది ఉత్సవాలు ' కార్యక్రమం లో శాస్త్ర, సాంకేతిక, విద్య, వైద్య, నాట్యం, సంగీతం,తెలుగు భాష వంటి రంగాలలో విశిష్ఠ సేవలందించిన ప్రతిభావంతులకు ఉగాది పురస్కారంతో సన్మానించడం, అలాగే ఎటువంటి లాభాపేక్ష లేని అత్యుత్తమ స్వచ్చంద సేవకులను గుర్తించి, గౌరవించడం మన సంస్థ ఆనవాయితీ. 
“Machine Learning A Lightning Boot Camp” కార్యక్రమం మన సభ్యులందరికి అందుబాటులో ఉండెలా తక్కువ వ్యయంతో నిర్వహించదం జరిగింది. Tax Planning లో మెళుకువలు , Finacial services అవగాహన , ఉచిత సినిమా ప్రదర్శన (F2), క్రీడా రంగంలో Volley Ball, Table Tennis, ఆరోగ్యమే మహాభాగ్యంగా భావించి ప్రవాసంలో పెరుగుతున్న హ్రుద్రోగ సమస్యలపై అవగాహన పెంచి, ప్రధమ చికిత్స శిక్షణా కార్యక్రమాలు వంటి మంచి కార్యక్రమాలను అందించడమేకాక, స్థానిక విశ్వ విద్యాలయాలలో ప్రవేశిస్తున్న తెలుగు విద్యార్థులకు మన సంస్థపై అవగాహన పెంచి, భాగస్వామ్యం కల్పించడం కొరకు మన సంస్థ స్వచ్చంద సేవకులు, కార్యవర్గ బృందం కృషి చేస్తున్నారు. Mother’s day and వేసవిలో యువత కోసం వ్యక్తిత్వ వికాస శిక్షణా శిబిరం నిర్వహించబోతున్నాము. అలాగే స్థానికం గా నివసించే పెద్దల జీవన సరళి, వారి అవసరాలు గుర్తించి చేతనైన సహాయం చేయడానికి తగిన కార్యక్రమాలు రూపొందించదానికి ప్రయత్నిస్తున్నాము. మన సంస్థ ఈ సంవత్సరం జరిగే నాట్స్ 6వ అమెరికా తెలుగు సంబరాలు కు సహ ఆతిధ్యం ఇవ్వడానికి అవకాశం కల్పించిన నాట్స్ కమిటీ సభ్యులకు ప్రత్యేక ధన్యవాదలు తెలియ చెసుకుంటు, నాట్స్ నిర్వహిస్తున్న అన్నికార్యక్రమాలలో పూర్తి సహాయ సహకారాలను అందించడమే కాకుండ కమిటి సభ్యులందరిని సంబరాలలో భాగస్వాములను చేయడం ఒక విశేషం  
ఈ సంవత్సరం జూలై నెలలో మన 'తెలుగు సాహిత్య వేదిక ' దిగ్విజయంగా 12వ వార్షికోత్సవం జరుపుకోనున్నది. సాహితీ దిగ్గజాల సమక్షంలో శోభాయమానంగా జరిగే ఈ వేడుకకు సాహితీ ప్రియులందరూ విచ్చేసి విజయవంతం చేయవలసిందిగా మా అభ్యర్ధన. ఉత్తర టెక్సస్ తెలుగు సంఘం ప్రతి నెల తెలుగు సాహిత్య సేవలో భాగంగా నిర్వహించే 'నెల నెలా తెలుగు వెన్నెల ' కార్యక్రమం ఇప్పటి వరకు 140 సదస్సులు నిర్వహించడం జరిగింది. ప్రవాసంలో నిరాటంకంగా 140 నెలల పాటు ఉత్తమ సాహితీ వేత్తల నడుమ సాహిత్య సదస్సులను నిర్వహించడం మన సంస్థ చరిత్రలో ఒక మైలు రాయి.   
సేవలందించడం ద్వారా వివిధ అంశాలలో నైపుణ్యాన్ని, ప్రజ్ఞాబలాన్ని నిత్యం పెంచుకుంటున్న సేవకులతో కలిసి పనిచేయడం ఒక అదృష్టంగా భావిస్తూ, టాంటెక్స్ సంస్థ కార్యక్రమాలు జయప్రదం కావడానికి సభ్యులు కూడా కొంతవరకు భాగస్వామ్యులై, అవసరమైన ఆర్ధిక సహాయంసూచనల అనుసరణ, కార్యక్రమాల హాజరు తదితర అంశాలలో చేయూతనివ్వాలని ఆకాంక్షిస్తున్నాను. సేవ చేసే ప్రతి అవకాశం సేవకుల సామర్థ్యాన్ని పెంచే ఒక ఉత్తమ అవకాశంఅని నమ్ముతూ, మీ అందరి సహాయ సహకారాలు ఎప్పటిలాగే కొనసాగిస్తారని ఆశిస్తున్నాను. మన టాంటెక్స్ సంస్థకు అండగా ఉంటున్న పోషక దాతలకు, సభ్యులకు, ప్రసార మాధ్యమాలకు, శ్రేయోభిలాషులకు, సహపాటి  కార్యవర్గ సభ్యులకు నా కృతఙ్ఞతాభివందనములు.  
షడ్రుచుల కలబోతలా కమ్మగా అన్ని రుచులతో నిత్యనూతనంగా మీ సంవత్సరం సాగాలి అని ఆకాంక్షిస్తూ...