Subscribe to E-News

Latest TANTEX Events

No Events

Supported Events

No Events

Latest Events in Town

No Events

Slide Show of Events

Silver Sponsors

Banner
Banner
Banner
Banner

Our Media Partners

President's Message

1986 లో వెలిగించిన చిరుదీపం, ఉత్తర అమెరికాలో పదమూడు వందల కుటుంబాల సభ్యత్వం గల తెలుగు కుటుంబాల ఉషస్సుల ఉషోదయ ప్రగతి రధం మన తెలుగు సంస్కృతికీ , తెలుగు భాషకు పట్టం కట్టిన, మూడున్నర దశాబ్దాల ఘన చరిత్ర కలిగిన ఉత్తర టెక్సాస్ తెలుగు సంఘం (టాంటెక్స్) అనబడే గొప్ప సంస్థకు శ్రీమతి లక్ష్మి అన్నపూర్ణ  పాలేటి అనే నేను 2021 సంవత్సరానికి అధ్యక్ష పదవీ బాధ్యతలు చేపట్టడం నా మహద్భాగ్యంగా భావిస్తున్నాను.

తెలుగు బిడ్డలమైన మనం మన ఉత్తర టెక్సాస్ తెలుగు సంఘం ద్వారా మన ఘనచరిత్రను, ప్రమాణాలను మరింత పెంచే దిశగా సరికొత్త ఆలోచనలతో రూపొందించే బృహత్తరకార్యక్రమాలతో మన తెలుగువారి అభ్యున్నతికి పాటు పడవలసిన గురుతర బాధ్యత మనందరి మీద ఉంది. మన వారసత్వ సంపదను భావి తరాలకు అందిస్తూ సామాజిక సేవ ద్వారా మనం అందరి మనసులను చూరగొనాలి.

నెలనెలా తెలుగు వెన్నెల, మైత్రి, వనితా వేదిక, స్ఫూర్తి, సుఖీభవ, గానసుధ-మన టాంటెక్స్, దేహారోగ్యం కొరకు క్రీడల పోటీలు నిర్వహించడం వంటి మన సంస్థ కార్యక్రమాలను కొనసాగిస్తూ పెద్ద ఎత్తున యువతను సభ్యులుగా చేర్చుకొనడం ద్వారా సంఘ సభ్యత్వాన్ని పెంచడం వంటి ప్రణాళికలను అమలు చేయడం, ఆర్ధిక వనరులను పెంచుకునేలా వదాన్యుల దాతృత్వం ప్రోత్సహించడం, మరియు మన సంఘ సభ్యుల వ్యక్తిత్వం, గౌరవం ద్విగుణీకృతం అయ్యేలా మన టాంటెక్స్ సంస్థ కీర్తి పతాకను విశ్వవ్యాపితం కావిద్దాం.

మన తెలుగు భాష, సంస్కృతి, సంప్రదాయాలు, సాహిత్య వేదిక వార్షికోత్సవాలకు సంబందించిన చక్కని వినోదాలు, బాలలు మరియు మహిళలు కొరకు కొన్ని విభిన్న కార్యక్రమాలు, ఆరోగ్యానికి ఉపకరించే యోగా మరియు క్రీడా కార్యక్రమాలు, జీవిత భద్రతకు ఉపయోగ పడే అవగాహన కార్యక్రమాలు, సమాజ సేవా కార్యక్రమాలు ప్రతి సంవత్సరము చేసే సంక్రాంతి సంబరాలు, ఉగాది ఉత్సవాలు, దీపావళి వేడుకలు మరియు నెలనెల తెలుగు వెన్నెల సాహిత్య వేదికలను  ఆనందోత్సాహాలతో జరుపుకునేలా చేస్తూ మన తెలుగు వెలుగులను ప్రపంచమంతా పరుచుకునేలా మన టాంటెక్స్ సంస్థను అభ్యుదయ పథాన నడుపుదాం.  ఈ సంస్థ మన అందరిది, ప్రగతి మనది, జగతి మనది, మనోవికాస సాహితీ వారధి మన టాంటెక్స్. ఇందుకు నా వంతుగా కృషి చేస్తానని హామీ  ఇస్తున్నాను. నా కృషిలో మీరంతా భాగస్వాములవుతారని ఆశిస్తున్నాను.

ప్రపంచ మేధావులైన తెలుగు సాంస్కృతిక  వారసులారా మీ అందరికీ ధన్యవాదములు

లక్ష్మి అన్నపూర్ణ పాలేటి
అధ్యక్షులు,
ఉత్తర టెక్సాస్ తెలుగు సంఘం (టాoటెక్స్)